Компанийн тухай хуулийн 76 дугаар зүйлийг үндэслэн “Тархмал эрчим хүчний дэд бүтэц”  ХХК-ийн Гүйцэтгэх захирлын сонгон шалгаруулалтыг зарлаж байна.

Хараат бус гишүүнд нэр дэвшигчид тавигдах шаардлага:

1. Боловсрол: Магистр, түүнээс дээш боловсролын зэрэгтэй;
2. Мэргэжил: Санхүү, эрх зүйч, инженер;
3. Мэргэшил: Төслийн удирдлага болон өөрийн мэргэжлийн чиглэлээр;
4. Туршлага: Улсад 10-аас доошгүй жил, үүнээс удирдах ажил 5-аас доошгүй жил ажилласан байх;
5. Төсөл хэрэгжүүлж байсан туршлагатай, төрийн байгууллагын зохих мэдлэг, дадлага эзэмшсэн байх;
6. Орос, англи хэлтэй байх /хятад хэлтэй бол давуу тал болно/;
7. Тухайн компанитай бизнесийн аливаа холбоогүй байх;
8. Компанийн засаглалын сургалтад хамрагдсан байх.

Бүрдүүлэх материал:

1. Сонгон шалгаруулалтад оролцох хүсэлт
2. Анкет (төрийн албан хаагчийн анкетыг бүрэн бөглөх, 4х6 хэмжээтэй цээж зураг заавал наасан байх);
3. Өөрийн намтар (CV);
4. Нийгмийн даатгалын лавлагаа;
5. Боловсролын диплом, үнэмлэх, бусад сургалт, семинарт хамрагдсан гэрчилгээ, сертификатын хуулбар;
6. Иргэний үнэмлэхийн хуулбар;
7. Компанийн засаглалын гэрчилгээний хуулбар.

Сонгон шалгаруулалтын материал хүлээн авах хугацаа, газар:

Сонгон шалгаруулалтад орох иргэний материалыг 2026 оны 07 дугаар сарын 02-ны өдрийн 12:00 цаг хүртэл Сүхбаатар дүүрэг, 8-р хороо, бага тойруу, амарын гудамж, 20г байр, 10 давхарт хүлээн авна. Цахим хаяг: [email protected]

Анхаарах зүйлс:

1. Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаар, нэрээ дэвшүүлж буй компанийн нэрийг тус тус гаргацтай бичнэ.
2. Нэг дугтуйнд зөвхөн 1 сонгон шалгаруулалтын материалыг хийнэ.
3. Материалыг сонгон шалгаруулалтын дараа буцаан олгохгүй болно.
4. Хугацаа хоцорсон материалыг хүлээн авахаас татгалзана.
5. Материалын бүрдэл дутуу тохиолдолд сонгон шалгаруулалтаас хасна.
6. Сонгон шалгаруулалтын шаардлага хангасан иргэнтэй Нэр дэвшүүлэх хорооноос холбоо барина.

НЭР ДЭВШҮҮЛЭХ ХОРОО